Le cúnamh ó Foras na Gaeilge, beidh ceardlann scríbhneoireachta ar siúl ag Scríbhneoirí Gaeilge Chiarraí in Áras na nGael, Sráid Doiminic, Gaillimh, ar an Satharn, 14 Samhain óna 10.30a.m. go dtí 5.00p.m.
Ar mhaithe le plé níos fearr agus níos mine a dhéanamh ar scríbhneoireacht na rannpháirtithe beidh a líon teoranta do dheichniúr.
Táille cláraithe 20 euro; mic léinn 5 euro. (Lón ag 12.45p.m. san áireamh sa táille).
N.B. Is cóir cóipeanna den saothar atá le plé (3 dhán nó 2,500 focal de ghearrscéal, úrscéal, dráma, aiste léirmheasa nó eile) a sheoladh go dtí: feasta@eircom.net faoin 6 Samhain, i dtreo gur féidir iad a dháileadh ar rannpháirtithe na ceardlainne len a bheith léite roimhré ag gach duine.
Stiúrthóirí ceardlainne: Pádraig Ó Snodaigh, file & foilsitheoir agus staraí; Mícheál Ó Ruairc, úrscéalaí, gearrscéalaí, file & Pádraig Mac Fhearghusa, eagarthóir FEASTA.
Léamh a saothar dá chéile agus aisfhreagra ó chomhscríbhneoirí príomhchúram na hócáide. Fáilte roimh scríbhneoirí óga agus scríbhneoirí seanbhunaithe araon.
Teagmháil:Pádraig Mac Fhearghusa, 43 Na Cluainte, Trá Lí. R-phost: feasta@eircom.net
